ന്യുഡല്‍ഹി: കേരളത്തിലെ പുതിയ രാഷ്ട്രീയ വിവാദങ്ങളില്‍ എന്തു തീരുമാനമെടുക്കണമെന്നതിനെക്കുറിച്ച് സി.പി.എം കേന്ദ്രകമ്മിറ്റി ചര്‍ച്ച തുടങ്ങി. സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന്‍ ബിനീഷിന്റെ കേസിനെചൊല്ലി സെക്രട്ടറി സ്ഥാനം കോടിയേരി ഒഴിയേണ്ടതില്ലെന്നും കേന്ദ്രകമ്മിറ്റി വിലയിരുത്തി.
അങ്ങനെ ചെയ്താല്‍ അത് പ്രതിപക്ഷത്തിനും ആരോപണമുന്നയിക്കുന്നവര്‍ക്കുമാണ് സഹായമാവുക. കേന്ദ്ര സര്‍ക്കാര്‍ അന്വേഷണ ഏജന്‍സികളെ ദുരുപയോഗം ചെയ്യുകയാണ്. സ്വര്‍ണക്കടത്തുകേസിലും ലഹരി കടത്തുകേസിലും മുഖ്യമന്ത്രിയുടെ മുന്‍ ഐ.ടി സെക്രട്ടറി എം.ശിവശങ്കര്‍ പ്രതിയായ കേസിലും ഇതുതന്നെയാണ് സംഭവിക്കുന്നത്.
ബിനീഷിന്റെ കാര്യത്തില്‍ അദ്ദേഹം വ്യക്തിപരമായി കേസിനെ നേരിടണം. നിരപരാധിത്വം തെളിയിക്കേണ്ടതും ബിനീഷിന്റെ ഉത്തരവാദിത്വം. അതിന്റെ പേരില്‍ കോടിയേരിക്കെതിരെയുള്ള പ്രചാരവേലയെ പാര്‍ട്ടി ചെറുക്കും. അതു സംബന്ധിച്ച് ജനങ്ങളെ ബോധ്യപ്പെടുത്തുന്നതിനും കേന്ദ്രക്കമ്മിറ്റിയില്‍ ധാരണയായി.
കോണ്‍ഗ്രസ് ധാരണക്ക് പശ്ചിമബംഗാളില്‍ പച്ചക്കൊടി കാണിക്കാനും കേന്ദ്രകമ്മിറ്റി തീരുമാനിച്ചു.