ഝാന്‍സി: ഉത്തരേന്ത്യയില്‍ ചൂട് കനക്കുന്നു. ഝാന്‍സിയില്‍ കേരളാ എക്‌സ്പ്രസ് ട്രെയിനില്‍ സഞ്ചരിച്ച നാലു പേര്‍ ചൂടു കാരണം മരിച്ചു.

തിങ്കളാഴ്ച വൈകുന്നേരമാണ് സംഭവം. നാലു പേര്‍ക്കും യാത്രക്കിടെ അസ്വസ്ഥതയുണ്ടായി. ഝാന്‍സിയിലെത്തിയപ്പോള്‍ മരണം സംഭവിക്കുകയായിരുന്നു.

തുടര്‍ന്ന് മൃതദേഹങ്ങള്‍ പോസ്റ്റ്‌മോര്‍ട്ടത്തിനു കൊണ്ടുപോയി. കോയമ്പത്തൂര്‍ സ്വദേശികളാണ് മരിച്ചത്.

വാരണസി, ആഗ്ര തുടങ്ങിയ പ്രദേശങ്ങള്‍ സന്ദര്‍ശിച്ച് മടങ്ങുകയായിരുന്ന 68 അംഗ സംഘത്തിലുള്ളവരാണ് മരിച്ചവര്‍. ആഗ്ര വിട്ടയുടനെ ചിലര്‍ക്ക് ശ്വാസ തടസ്സവും മറ്റു പ്രശ്‌നങ്ങളും നേരിട്ടുവെന്നും ഒന്നും ചെയ്യാനായില്ലെന്നും കൂടെയുള്ളവര്‍ പറഞ്ഞു.