കോട്ടക്കല്‍: ടൗണ്‍ കേന്ദ്രീകരിച്ച് സ്‌കൂള്‍ പരിസരങ്ങളില്‍ കഞ്ചാവ് മയക്കുമരുന്ന് ലോബികള്‍ പിടിമുറുക്കിയിരിക്കുകയാണെന്നും പൊലിസും എക്‌സൈസും ഇതിനെതിരേ ശക്തമായ നടപടികള്‍ സ്വീകരിക്കണമെന്നും മുനിസിപ്പല്‍ യൂത്ത് ലീഗ് കമ്മിറ്റി ആവശ്യപ്പെട്ടു. സ്‌കൂള്‍ വളപ്പിലേക്ക് അന്യരുടെ പ്രവേശനം തടയുക, ബി.എച്ച് റോഡില്‍ പരിശോധന കര്‍ശനമാക്കുക തുടങ്ങിയ ആവശ്യങ്ങളുന്നയിച്ചു കോട്ടക്കല്‍ പൊലിസിന് നിവേദനം നല്‍കി. സഹീര്‍ കക്കിടി, കെ.എം ഖലീല്‍, റഷീദ് ചെരട, ഫൈസല്‍ മാസ്റ്റര്‍, നാസര്‍ തയ്യില്‍, ടി.പി മുജീബ്, കെ.വി സലാം എന്നിവര്‍ സംസാരിച്ചു.