കൊച്ചി: കൊച്ചിയിലെ ഒബ്രോണ്‍ മാളില്‍ തീപിടിത്തം. മാളിന്റെ നാലാം നിലയിലാണ് തീപ്പിടുത്തമുണ്ടായത്. ഫുഡ് കോര്‍ട്ട് പ്രവര്‍ത്തിക്കുന്ന ഭാഗത്താണ് തീപടര്‍ന്നു പിടിച്ചത്. നാലാം നിലയില്‍ കാര്യമായ നാശനഷ്ടങ്ങള്‍ ഉണ്ടായിട്ടുണ്ട്. വിവിധ ലോകോത്തര ബ്രാന്‍ഡുകളുടെ ഷോറൂമുകള്‍ മാളിനുള്ളിലുണ്ട്. 

തീപ്പിടുത്തത്തെ തുടര്‍ന്ന് ഫുഡ് കോര്‍ട്ടിനു സമീപത്തുള്ള മള്‍ട്ടിപ്ലെക്‌സില്‍ നിന്നും പ്ലോ കോര്‍ട്ടില്‍ നിന്നും ആളുകളെ ഒഴിപ്പിച്ചു. രാവിലെ 11.15 ഒാടെയാണ് അഗ്നിബാധയുണ്ടായത്. അഗ്നിശമന സേനയുടെ രണ്ട് യൂണിറ്റെത്തി തീ പൂർണമായും നിയന്ത്രണ വിധേയമാക്കി.