ന്യൂഡല്‍ഹി: ബഹിരാകാശ നിലയമടക്കമുള്ള വമ്പന്‍ പദ്ധതികളുമായി ഐ.എസ്.ആര്‍.ഒ. ഏഴു വര്‍ഷത്തിനകം ഇന്ത്യയുടെ സ്വന്തമായി ബഹിരാകാശ നിലയം സ്ഥാപിക്കാനാണ് പദ്ധതിയെന്ന് ഐ.എസ്.ആര്‍.ഒ. അധ്യക്ഷന്‍ കെ. ശിവന്‍ വ്യക്തമാക്കി. ഇന്ത്യയുടെ ബഹിരാകാശ ദൗത്യമായ ഗഗന്‍യാനിന്റെ ഭാഗമായാണ് ബഹിരാകാശ നിലയം നിര്‍മിക്കുക. ഇന്ത്യയുടെ പുതിയ ചാന്ദ്രദൗത്യമായ ചന്ദ്രയാന്‍ ജൂലലൈ 15ന് വിക്ഷേപിക്കും. ഡിസംബര്‍ ആറിന് ചന്ദ്രന്റെ ഉപരിതലത്തിലെത്തും. സൗര പര്യവേഷണത്തിനായുള്ള ആദിത്യ ദൗത്യത്തിനുള്ള തയ്യാറെടുപ്പുകളും പൂര്‍ത്തിയാക്കി. ഇന്ത്യ 75ാം സ്വാതന്ത്ര്യ ദിനം ആഘോഷിക്കുന്നതിനു മുന്‍പ് ഇന്ത്യക്കാരനെ ബഹിരാകാശത്ത് എത്തിക്കുക എന്ന സ്വപ്‌നം അടുത്ത വര്‍ഷം ഡിസംബറോടെ യാഥാര്‍ഥ്യമാവുമെന്നും കെ. ശിവന്‍ വ്യക്തമാക്കി.