അരൂര്‍: പഞ്ച് മോദി ചലഞ്ച് നടത്തിയ സി.പി.ഐ പ്രവര്‍ത്തകരെ പൊലിസ് തടഞ്ഞു. ശനിയാഴ്ച മൂന്ന് മണിക്ക് അരൂര്‍ ഗ്രാമപഞ്ചായത്തിന് മുന്‍വശത്തു പ്രധാനമന്ത്രിയുടെ ചിത്രം പതിപ്പിച്ച പാവയെ ഇടിക്കുമെന്നതാണ് അറിയിച്ചിരുന്നത്.
എന്നാല്‍ മുന്‍കൂട്ടി വിവരം അറിഞ്ഞതോടെ വിവിധ സ്ഥലങ്ങളില്‍ നിന്ന് വന്നവരുള്‍പ്പടെ ധാരാളം ബി.ജെ.പി പ്രവര്‍ത്തകര്‍ പഞ്ചായത്തിന് സമീപം എത്തിയിരുന്നു.
വിവരം അറിഞ്ഞ് സ്ഥലത്തെത്തിയ കുത്തിയതോട് സി.ഐ ദിലീപ് ഖാനും സംഘവും സ്ഥലത്ത് സംഘര്‍ഷാവസ്ഥ ഉണ്ടാകാതിരിക്കാന്‍ കുടുതല്‍ പൊലിസിനെ വിന്യസിപ്പിച്ചിരുന്നു. വിവരം മനസിലാക്കിയ സി.പി.ഐ പ്രവര്‍ത്തകര്‍ പാവയും വഹിച്ചുകൊണ്ടുള്ള പ്രകടനം കെല്‍ട്രോണ്‍ റോഡിനോട് ചേര്‍ന്നുള്ള ഓഫിസിനോടുത്തു നിന്ന് വൈകിട്ട് അഞ്ചര മണിയോടെയാണ് തുടങ്ങിയത്.പ്രകടനം തുടങ്ങുന്ന സ്ഥലത്തു വച്ചുതന്നെ പഞ്ചിങ് നടത്തിയതിനു ശേഷമാണ് ദേശീയ പാതയില്‍ കയറിയത്.
ഉടന്‍ തന്നേ പൊലിസ് പ്രവര്‍ത്തകരെ തടയുകയും മോദിയുടെ പടം ഒട്ടിച്ച പാവയെ പിടിച്ചെടുക്കുകയും ചെയ്തു. കുറച്ചു നേരത്തേക്ക് സ്ഥലത്ത് സംഘര്‍ഷാ വസ്ഥ നിലനിന്നിരുന്നു.
റോഡില്‍ കുത്തിയിരുന്ന് പ്രതിക്ഷേധിച്ചു. പട്ടണക്കാട് ബ്ലോക്ക് പഞ്ചായ ത്ത് അംഗം പി.എം അജിത്ത് കുമാര്‍ ഉദ്ഘാടനം ചെയ്തു. തുടര്‍ന്ന് എം.പി ബിജു.കെ.പി ദിലീപ് കുമാര്‍ എന്നിവര്‍ സംസാരിച്ചു. പ്രവര്‍ത്തകരെ പൊലിസ് അറസ്റ്റ് ചെയ്തു നീക്കി.