അഞ്ചു റഷ്യന് കനോയിങ്- കയാക്കിങ് താരങ്ങള്ക്ക് വിലക്ക്
ലൊസേന്: റിയോ ഒളിംപിക്സില് നിന്നു റഷ്യന് താരങ്ങള്ക്കുള്ള വിലക്ക് അവസാനിക്കുന്നില്ല. വിലക്കുകളുടെ പുതിയ പട്ടികയിലേക്ക് കനോയിങ്-കയാക്കിങ് സ്പ്രിന്റ് താരങ്ങളാണ് ഇടം പിടിച്ചത്. അഞ്ചു താരങ്ങളെയാണ് വിലക്കിയത്. ഇതില് അഞ്ചു വട്ടം ലോക ചാംപ്യനും സ്വര്ണ മെഡല് ജേതാവും ഉള്പ്പെട്ടിട്ടുണ്ട്.
ഇവര്ക്കെതിരേ നടപടിയെടുക്കാതെ നിര്വാഹമില്ലെന്ന് അന്താരാഷ്ട്ര കനോയിങ്-കയാക്കിങ് ഫെഡറേഷന് സെക്രട്ടറി ജനറല് സൈമന് ടൂള്സന് പറഞ്ഞു. മക്ലാരന് വെളിപ്പെടുത്തലിലെ തെളിവുകളുടെ അടിസ്ഥാനത്തിലാണ് ഇവര്ക്കെതിരേ നടപടിയെന്നും ടൂള്സന് വ്യക്തമാക്കി. റിപ്പോര്ട്ടില് 25 റഷ്യന് അത്ലറ്റുകളുടെ പേരുണ്ടായിരുന്നു. വരും ദിവസങ്ങളില് ഇവര്ക്കെതിരേയും നടപടിയുണ്ടായേക്കും. എലേന അന്യുഷിന, നതാലിയ പൊഡോള്സ്കായ, അലക്സാന്ഡര് യാച്ചെങ്കോ, ആന്ദ്രേ ക്രെയ്റ്റര്, അലക്സെ കോറോവാഷ്കോവ് എന്നിവരാണ് വിലക്ക് ലഭിച്ച താരങ്ങള്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."