നടുവണ്ണൂര്‍: കോട്ടൂര്‍ എ.യു.പി സ്‌കൂള്‍ തിയറ്റര്‍ ക്ലബ് പുറത്തിറക്കുന്ന ഡോക്യു ഫിക്ഷന്‍ 'ഇക്കാടിന് ഞാനെന്തു പേരിടും' ചിത്രീകരണം തുടങ്ങി. കാടിന്റെ പ്രാധാന്യം തിരിച്ചറിഞ്ഞ് തന്റെ ഏക്കറോളം സ്ഥലത്തു സ്വാഭാവിക വനം തീര്‍ത്ത് ജില്ലാ വനമിത്ര പുരസ്‌കാരം നേടിയ ഇ. പത്മനാഭന്‍ മാസ്റ്ററുടെ കാടറിവുകളാണ് ചിത്രത്തില്‍ പങ്കുവയ്ക്കുന്നത്.
കുടിവെള്ളത്തിന് പ്രയാസം നേരിടുന്ന വീട്ടിലെ ഒരു പെണ്‍കുട്ടിയുടെ ജീവിതത്തിലുണ്ടാകുന്ന പ്രശ്‌നങ്ങളും അവളനുഭവിക്കുന്ന മാനസിക സംഘര്‍ഷങ്ങളും ഇതിലൂടെ അവതരിപ്പിക്കപ്പെടുന്നു. ഫിലിം ജൂണ്‍ ഒന്നിന് പുറത്തിറങ്ങും.