കൊടുവള്ളി: പള്ളികള്‍ സര്‍വസമാധാനത്തിന്റെയും കേന്ദ്ര ബിന്ദുവാണെന്നും മത സൗഹാര്‍ദ്ദവും മതബോധവും വളര്‍ത്തിയെടുക്കാന്‍ പള്ളികളും മദ്‌റസകളും വഹിക്കുന്ന പങ്ക് വലുതാണെന്നും പാണക്കാട് ഹൈദരലി ശിഹാബ് തങ്ങള്‍ പറഞ്ഞു.
കളരാന്തിരിയില്‍ പുതുക്കി പണിത ടൗണ്‍ മസ്ജിദ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സമസ്ത കേന്ദ്ര മുശാവറ അംഗം വാവാട് പി.കെ കുഞ്ഞികോയ മുസ്‌ലിയാര്‍ അധ്യക്ഷനായി. അഞ്ച് പതിറ്റാണ്ടണ്ടിലേറെയായി ഖാസി സ്ഥാനം വഹിക്കുന്ന കെ. അബ്ദുറഹ്മാന്‍ ഫൈസിക്കുള്ള ആദരവും വി.പി റഷീദ്, സി.കെ മുഹമ്മദ്, സി.പി ജമാല്‍ എന്നിവര്‍ക്ക് ഉപഹാരവും തങ്ങള്‍ നല്‍കി.ആസിഫ് വാഫി റിപ്പണ്‍ മുഖ്യ പ്രഭാഷണം നടത്തി.
എന്‍.കെ അബ്ദുല്‍ മജീദ് മാസ്റ്റര്‍ റിപ്പോര്‍ട്ട് അവതരിപ്പിച്ചു. കെ. അബ്ദുല്‍ ബാരി ബാഖവി, നാസര്‍ ഫൈസി കൂടത്തായി, ടി.കെ പരീക്കുട്ടി ഹാജി, യു.പി.സി അബൂബക്കര്‍ കുട്ടി ഫൈസി, സി മോയിന്‍ കുട്ടി, വി.എം ഉമ്മര്‍ മാസ്റ്റര്‍, എ.പി മജീദ് മാസ്റ്റര്‍, എന്‍ജിനീയര്‍ മാമുക്കോയ ഹാജി, കെ.പി കുഞ്ഞോതി മാസ്റ്റര്‍, വി. മുഹമ്മദ് മൗലവി, പി.ടി ഉനൈസ്, ഇ.കെ സലാം ബാഖവി, പി.കെ സാജിദ് ഫൈസി പ്രസംഗിച്ചു. ഖിദ്മത്തുല്‍ ഇസ്‌ലാം സംഘം പ്രസിഡന്റണ്ട് പി. മുഹമ്മദ് മാസ്റ്റര്‍ സ്വാഗതവും സി.പി അഷ്‌റഫ് നന്ദിയും പറഞ്ഞു.

അഹമ്മദ് കുട്ടി മുസ്‌ലിയാര്‍ സ്മാരക ഹാള്‍ ഉദ്ഘാടനം ചെയ്തു

കൂളിമാട് : ചിറ്റാരിപ്പിലാക്കല്‍ മദ്‌റസത്തുല്‍ ഹിദായക്ക് വേണ്ടി നിര്‍മിച്ച എ.പി അഹമ്മദ് കുട്ടി മുസ്‌ലിയാര്‍ സ്മാരക ഹാള്‍ പാണക്കാട് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു. അബ്ദുറഹിമാന്‍ മങ്ങാട് അനുസ്മരണ പ്രഭാഷണം നടത്തി. മുനീര്‍ ഹുദവി പാതിരമണ്ണ മുഖ്യ പ്രഭാഷണം നടത്തി. മഹല്ല് പ്രസിഡന്റ് പറമ്പില്‍ ആലിഹാജി അധ്യക്ഷനായി.പി വി അബ്ദുള്ള മൗലവി കക്കോവ്, അലവിക്കുട്ടി മൗലവി കക്കോവ്, അബ്ദുല്‍ ജബാര്‍ ഫൈസി, മുഹമ്മദ് ഹാജി, ഇല്യാസ് ഫൈസി പ്രസംഗിച്ചു. മഹല്ല് സെക്രട്ടറി ഇ.സി ബഷീര്‍ മാസ്റ്റര്‍ സ്വാഗതവും മൊയ്തീന്‍ മാസ്റ്റര്‍ നന്ദിയും പറഞ്ഞു.