റിയാദ്: പാക് പ്രധാനമന്ത്രിയായി തിരഞ്ഞെടുക്കപ്പെട്ട ഇമ്രാൻ ഖാന്റെ ആദ്യ വിദേശ സന്ദർശനം സഊദി അറേബ്യയിലേക്കായിരിക്കുമെന്നു പാകിസ്ഥാൻ അധികൃതർ വെളിപ്പെടുത്തി. ഒരു ദിവസത്തെ സന്ദർശനത്തിനായി  സഊദിയിലെത്തുന്ന ഇമ്രാൻ ഖാൻ സഊദി ഉന്നതാധികൃതരുമായും മറ്റും കൂടിക്കാഴ്ച നടത്തുമെന്നും മക്ക, മദീന പുണ്യ നഗരികൾ സന്ദർശനം നടത്തുമെന്നും പാകിസ്ഥാൻ വിദേശ കാര്യ മന്ത്രി ശാഹ് മഹ്‌മൂദ്‌ ഖുറൈശി പറഞ്ഞു. അടുത്ത ചൊവ്വാഴ്ച്ചയായിരികും ഇമ്രാൻ ഖാന്റെ സഊദി സന്ദർശനമെന്നാണ് റിപ്പോർട്ടുകൾ.