കോട്ടയം: കേരളാ കോണ്‍ഗ്രസിന്റെ ബദല്‍ സംസ്ഥാന കമ്മിറ്റി യോഗത്തില്‍ ചെയര്‍മാനായി ജോസ് കെ. മാണിയെ തെരഞ്ഞെടുത്തു. പാര്‍ട്ടി സെക്രട്ടറി കെ.ഐ ആന്റണി വിളിച്ചു ചേര്‍ത്ത യോഗത്തിലാണു തീരുമാനം.

ഭൂരിപക്ഷം സംസ്ഥാന സമിതി അംഗങ്ങളും യോഗത്തില്‍ പങ്കെടുത്തു. 8 ജില്ലാ പ്രസിഡന്റുമാര്‍ യോഗത്തില്‍ പങ്കെടുത്തപ്പോള്‍ മുതിര്‍ന്ന നേതാവ് സി.എഫ് തോമസ് യോഗത്തില്‍ പങ്കെടുത്തില്ല.

ചെയര്‍മാനെ തെരഞ്ഞെടുക്കാന്‍ സംസ്ഥാനസമിതി വിളിക്കണമെന്ന ആവശ്യം പി.ജെ ജോസഫ് അംഗീകരിക്കാത്ത സാഹചര്യത്തില്‍ ജോസ് കെ. മാണി ബദല്‍ യോഗം വിളിക്കുകയായിരുന്നു. ഇത് പിളര്‍പ്പുതന്നെയാണെന്ന നിലപാടിലാണ് പി.ജെ ജോസഫ്.

യോഗത്തില്‍ പങ്കെടുക്കരുതെന്ന് പി.ജെ ജോസഫ് തന്റെ കൂടെയുള്ളവര്‍ക്ക് നിര്‍ദേശം നല്‍കിയിരുന്നു.