140 റണ്‍സ്; രണ്ടാം സെഞ്ച്വറിയുമായി രോഹിത്

മാഞ്ചസ്റ്റര്‍: ലോകകപ്പ് ക്രിക്കറ്റില്‍ പാകിസ്താനുമായുള്ള വാശിയേറിയ പോരാട്ടത്തില്‍ സെഞ്ച്വറിയുമായി രോഹിത് ശര്‍മ. 113 ബോളില്‍ 140 റണ്‍സ് നേടിയാണ് രോഹിത് പുറത്തായത്. മൂന്നു സിക്‌സും 14 ഫോറും നേടി. ഹസ്സന്‍ അലിയുടെ പന്തില്‍ വഹാബ് റിയാസിന്റെ ക്യാച്ചിലാണ് പുറത്തായത്.

ലോകകപ്പില്‍ രോഹിതിന്റെ രണ്ടാം സെഞ്ച്വറിയാണിത്. 85 പന്തിലാണ് രോഹിത് സെഞ്ച്വറി തികച്ചത്.

39 ഓവര്‍ പിന്നിട്ടപ്പോള്‍ ഇന്ത്യയുടെ സ്‌കോര്‍ ബോര്‍ഡ് 235മുകളില്‍ ഇപ്പോള്‍ തന്നെ എത്തിയിട്ടുംണ്ട്. രോഹിതിനു പുറമേ കാപ്റ്റന്‍ വിരാട് കോഹ്‌ലിയും ക്രീസിലുണ്ട്. ശിഖര്‍ ധവാന് പകരം ഓപണറായ കെ.എല്‍ രാഹുല്‍ 57 റണ്ണെടുത്ത ശേഷം ഔട്ടായിരുന്നു.