വാഷിങ്ടണ്‍: പ്രസിഡന്റ് തെരഞ്ഞെടുപ്പിന്റെ ഫലപ്രഖ്യാപനവുമായി ബന്ധപ്പെട്ട അനിശ്ചിതത്വം നിലനില്‍ക്കുന്നതിനിടെ വ്യാജപ്രചാരണങ്ങള്‍ നടത്തുന്ന പ്രസിഡന്റ് ട്രംപിന്റെ ട്വീറ്റുകള്‍ സ്‌പോട്ടില്‍ മുക്കി ട്വിറ്റര്‍.
വ്യാജ പ്രചരണങ്ങളാണ് എന്ന് കാണിച്ചാണ് ട്വിറ്റര്‍ ട്രംപിന്റെ ട്വീറ്റുകള്‍ നീക്കം ചെയ്തത്. പരാജയ ഭീതി പൂണ്ട ട്രംപ് തുടരെത്തുടരെ തെരഞ്ഞെടുപ്പുമായി ബന്ധപ്പെട്ട് വ്യാജ ആരോപണങ്ങള്‍ ട്വീറ്റ് ചെയ്യുകയായിരുന്നു. ഇതിനിടെയാണ് ചില ട്വീറ്റുകള്‍ ട്വിറ്റര്‍ നീക്കംചെയ്തത്.
മൂന്ന് മണിക്കൂറിനിടെ ട്രംപ് ഇട്ട രണ്ട് ട്വീറ്റുകളാണ് ട്വിറ്റര്‍ അടുപ്പിച്ച് നീക്കം ചെയ്തത്.
അമേരിക്കന്‍ പ്രസിഡന്റ് തെരഞ്ഞെടുപ്പില്‍ വോട്ടെണ്ണല്‍ ആരംഭിച്ചതിന് ശേഷം ട്രംപിന്റെ നിരവധി ട്വീറ്റുകള്‍ ട്വിറ്റര്‍ നീക്കം ചെയ്തിരുന്നു.അതിനിടെ ട്വിറ്ററിന് നിയന്ത്രണം നഷ്ടപ്പെട്ടു എന്ന് ആക്ഷേപിച്ചും ട്രംപ് രംഗത്തെത്തി. നിയമപരമായി വോട്ടുകള്‍ എണ്ണുകയാണെങ്കില്‍ താന്‍ വിജയിക്കുമെന്നും ട്രംപ് അവകാശപ്പെട്ടു.