കരിമണ്ണൂര്‍: കരിമണ്ണൂരില്‍ പ്രവര്‍ത്തിക്കുന്ന കൈരളി സാംസ്‌കാരിക വേദിയുടെയും വനിതാ ലൈബ്രറിയുടെയും ആസ്ഥാന മന്ദിരം ലൈബ്രറി കൗണ്‍സില്‍ സംസ്ഥാന എക്‌സിക്യൂട്ടീവംഗം കെ എം ബാബു  ഉദ്ഘാടനം ചെയ്തു. ഇതോടനുബന്ധിച്ച് കരിമണ്ണൂര്‍ ടൗണില്‍ സംഘടിപ്പിച്ച സാംസ്‌കാരിക സദസ് അഡ്വ. കെ അനില്‍കുമാര്‍ ഉദ്ഘാടനം ചെയ്തു. എന്‍ ആര്‍ നാരായണന്‍ അധ്യക്ഷനായി. സാംസ്‌കാരിക വേദി സെക്രട്ടറി പി കെ ശിവദാസന്‍ റിപ്പോര്‍ട്ട് അവതരിപ്പിച്ചു.
കൈരളി സാംസ്‌കാരികവേദിക്ക് കെട്ടിടം സമര്‍പ്പിച്ച പ്രൊഫ. എലിസബത്ത് ജോസ്, സ്വന്തമായി വിമാനം നിമിച്ച് പ്രവര്‍ത്തിപ്പിച്ച സജി തട്ടക്കുഴ, 10ാമത് ഏഷ്യന്‍ ജൂഡോ മത്സരത്തില്‍ കേരളത്തില്‍നിന്ന് പങ്കെടുത്ത ഹരി പ്രസാദ്, എസ്എസ്എല്‍സി പരീക്ഷയില്‍ ഉന്നതവിജയം നേടിയവര്‍ എന്നവിരെ ചടങ്ങില്‍  അനുമോദിച്ചു.