കാളികാവ്: രണ്ട് ദിവസങ്ങളിലായി നടന്ന വാഫി കാംപസ് ആര്‍ട്‌സ് ഫെസ്റ്റ് സമാപിച്ചു. 56 ഇനങ്ങളിലായി നടന്ന മത്സരങ്ങളില്‍ 200ലധികം പ്രതിഭകള്‍ പങ്കെടുത്തു. പാണക്കാട് സയ്യിദ് ഹാശിറലി ശിഹാബ് തങ്ങള്‍ ഉദ്ഘാടനം ചെയ്തു.
വാഫി കാംപസ് ഡീന്‍ ഡോ. ലുഖ്മാന്‍ അസ്ഹരി അധ്യക്ഷനായി. ഒഫീലിയ ഓവറോള്‍ ചാംപ്യന്മാരായി. അലീഷ്യ റണ്ണറപ്പും നേടി. ഒക്റ്റീവിയ, വിക്ടോറിയ എന്നിവ യഥാക്രമം മൂന്നും നാലും സ്ഥാനങ്ങളും കരസ്ഥമാക്കി.
കലാപ്രതിഭയായി കെ.കെ അബൂബക്കര്‍ എടയൂരിനെയും സര്‍ഗ പ്രതിഭയായി വി. ശംസുദ്ദീന്‍ മക്കരപ്പറമ്പിനെയും തെരഞ്ഞെടുത്തു. വിവിധ സെഷനുകളിലായി ഡോ. അയ്യൂബ് വാഫി, ഡോ. ജലീല്‍ വാഫി, ബഹാഉദ്ദീന്‍ ഫൈസി അടയ്ക്കാകുണ്ട്, സലാം ഫൈസി ഇരിങ്ങാട്ടിരി, ഇബ്രാഹീം ഫൈസി, മുഈനുദ്ദീന്‍ ബാഖവി, മുഹമ്മദ് അലി വാഫി, അബ്ദുല്‍ ഹഖ് ഹൈത്തമി പങ്കെടുത്തു.