പാറ്റ്‌ന: 243 അഗം നിയമസഭയിലേക്ക് നടന്ന ബിഹാര്‍ തെരഞ്ഞെടുപ്പ് ഫലം നാളെ. വോട്ടെണ്ണലിനുള്ള എല്ലാ ഒരുക്കങ്ങളും പൂര്‍ത്തിയാക്കിയിട്ടുണ്ട്.

രാവിലെ മുതല്‍ എണ്ണിത്തുടങ്ങുന്ന വോട്ടുകളുടെ സ്ഥിതി 12 മണിയോടെ ഏകദേശം അറിയാനാവും.

മുഖ്യമന്ത്രി നിതീഷ് കുമാറിന്റെ നേതൃത്വത്തിലുള്ള എന്‍.ഡി.എയ്ക്ക് വീണ്ടും അധികാരത്തിലേറാനുള്ള സാധ്യത മങ്ങുന്നതാണ് എക്‌സിറ്റ് പോള്‍ ഫലങ്ങള്‍ പ്രവചിച്ചത്. ആര്‍.ജെ.ഡി- കോണ്‍ഗ്രസ്- ഇടത് മഹാസഖ്യം അധികാരത്തിലേറുമെന്നും പല എക്‌സിറ്റ് പോളുകളും പ്രവചിച്ചു.

ഇതു ശരിവയ്ക്കുന്ന ഫലമാണോയെന്ന് നാളെ കണ്ടറിയാം. സര്‍ക്കാര്‍ എളുപ്പത്തില്‍ രൂപീകരിക്കാനാവുമെന്നാണ് ബി.ജെ.പി ഇന്നലെയും പ്രതികരിച്ചത്.

ഫലം എന്തു തന്നെയായാലും അച്ചടക്കത്തോടെ പെരുമാറണമെന്നാണ് പാര്‍ട്ടി അണികളോട് ആര്‍.ജെ.ഡി നേതാവ് തേജസ്വി യാദവ് ആഹ്വാനം ചെയ്തിരിക്കുന്നത്.