വാടാനപ്പള്ളി: ഗ്രാമപഞ്ചായത്ത് ഒമ്പതാം വാര്‍ഡിലേക്ക് ഇന്നലെ നടന്ന ഉപ തെരഞ്ഞെടുപ്പില്‍ 81 ശതമാനം പോളിങ്. നടുവില്‍ക്കര ബി.വി.എല്‍.പി സ്‌കൂളില്‍ നടന്ന വോട്ടെടുപ്പില്‍ 1006 പേര്‍ സമ്മതിദാനം രേഖപ്പെടുത്തി.
 പൊതുവെ സമാധാനപരമായിരുന്നു വോട്ടിങ്. സി.പി.എമ്മിലെ ഷിജു കുട്ടനെല്ലൂര്‍ കെ.എസ്.ആര്‍.ടി.സിയില്‍ ജോലി കിട്ടിയതിനെ തുടര്‍ന്ന് രാജിവച്ച ഒഴിവിലേക്കാണ് ഉപ തെരഞ്ഞെടുപ്പ്. കോണ്‍ഗ്രസിനു വേണ്ടി ഇ.ബി ഉണ്ണികൃഷ്ണന്‍, സി.പി.എം സ്ഥാനാര്‍ഥിയായി വി.ജി അനില്‍ ലാല്‍, ബി.ജെ.പിയുടെ കെ.എസ് ധനീഷ് എന്നിവരാണു മത്സരിക്കുന്നത്. ഇന്ന് രാവിലെ 10നു പഞ്ചായത്ത് ഹാളില്‍ വോട്ടെണ്ണല്‍ ആരംഭിക്കും.