വാഷിങ്ടണ്‍: തെരഞ്ഞെടുപ്പ് തോല്‍വി സമ്മതിക്കാതെയും വൈറ്റ് ഹൗസ് ഒഴിഞ്ഞുകൊടുക്കാതെയും ഡൊണാള്‍ഡ് ട്രംപ് നിലപാട് തുടരുന്നതിനിടെ, ഭരിച്ചു തുടങ്ങാനൊരുങ്ങി പുതുതായി തെരഞ്ഞെടുക്കപ്പെട്ട ജോ ബൈഡന്‍. തെരഞ്ഞെടുപ്പിലെ പ്രധാന വാഗ്ദാനമായ കൊറോണാ വൈറസ് തുരത്താനുള്ള ടാക്‌സ് ഫോഴ്‌സിനെ രൂപീകരിച്ചിരിക്കുകയാണ് ബൈഡന്‍.

ബൈഡന്റെ വിജയം കൃത്യമായി നിര്‍ണയിക്കപ്പെട്ടെങ്കിലും ട്രംപ് ഇതുവരെ ഫലം അംഗീകരിച്ചിട്ടില്ല. അതിനാല്‍ തന്നെ വൈറ്റ് ഹൗസ് ഒഴിഞ്ഞുകൊടുക്കാനോ ഭരണം കൈമാറാനോ ഇതുവരെ തയ്യാറായിട്ടില്ല.

ട്രംപിന്റെ നിയമസഹായികള്‍ നിയമയുദ്ധത്തിനുള്ള നീക്കവും ശക്തമാക്കിയിട്ടുണ്ട്.

ഇനിയും വോട്ടുകള്‍ എണ്ണിത്തീരാത്ത സ്റ്റേറ്റുകളില്‍ തീര്‍ന്നാലും ബൈഡന് തന്നെയായിരിക്കും വിജയം. എങ്കിലും ട്രംപ് പരാജയം സമ്മതിക്കാത്തതിന്റെ പകപ്പിലാണ് ഡെമോക്രാറ്റുകളും ലോകരാഷ്ട്രീയവും.