പറമ്പിക്കുളം: പറമ്പിക്കുളം വഴി നെല്ലിയാമ്പതി ക്ക് ബദല്‍ റോഡ് കെ. ബാബു എം.എല്‍.എയുടെ നേതൃത്വത്തില്‍ നിര്‍ദിഷ്ട വനപാതയിലൂടെ ചൊവ്വാഴ്ച യാത്ര നടത്തി.
രാവിലെ 10ന് നെല്ലിയാമ്പതിയിലെ പുലയന്‍പാറയില്‍ നിന്ന് ആറ് ജീപ്പില്‍ സംഘം യാത്ര തിരിച്ചു. മിന്നാംപാറ ആനമട ,പെരിയ ചോല, പറമ്പികുളം മുപ്പത് ഏക്കര്‍ കോളനി , എന്നിവയിലൂടെ 32 കിലോമീറ്റര്‍ യാത്ര ചെയ്ത് മൂന്ന് മണിക്ക് പറമ്പിക്കുളത്തെ തേക്കടിയില്‍ എത്തി. ഉച്ചഭക്ഷണത്തിന് ശേഷം 3.30 ന് തേക്കടിയില്‍ നിന്ന് മുതലമട ചെമ്മണാം പതിയിലേക്ക് വനപാതയിലൂടെ സംഘംകാല്‍നടയായി യാത്ര തിരിച്ചു. രാത്രി ഏഴിന് സംഘം ചെമ്മണാംപതി എത്തി ഒമ്പത് കിലോമീറ്റര്‍ ജീപ്പ് റോഡ് ഉണ്ട് മൂന്ന് കിലോമീറ്റര്‍ റോഡ് നിര്‍മിച്ചാല്‍ തമിഴ് നാടിനെ ആശ്രയിക്കാതെ പറമ്പിക്കുളത്തെത്തും നെല്ലിയാമ്പതി ബദല്‍ റോഡും യാഥാര്‍ഥ്യമാകും.കെ ബാബു എം.എല്‍.എ ക്കൊപ്പം നെന്മാറ ബ്ലോക്ക് പഞ്ചായത്ത് പ്രസിഡന്റ് പി.വി രാമകൃഷ്ണന്‍ മുതലമട പഞ്ചായത്ത് പ്രസിസന്റ് ബേബി സുധ, ആര്‍ ചിത്തിരന്‍ പിള്ള, റവന്യൂ ഉദ്യോഗസ്ഥരും ഉണ്ടായിരുന്നു.