കൊച്ചി: പറവൂര്‍ ശാന്തിവനത്തില്‍ വൈദ്യുതി ടവര്‍ നിര്‍മാണം തടയണമെന്നും 110 കെ.വി ലൈന്‍ വഴി മാറ്റി വിടണമെന്നും ആവശ്യപ്പെട്ട ഹരജി തള്ളിയ സിംഗിള്‍ബെഞ്ച് വിധിക്കെതിരേ ഉടമ നല്‍കിയ അപ്പീലും ഹൈക്കോടതി തള്ളി. ടവര്‍ നിര്‍മാണം കഴിഞ്ഞെന്നും ലൈന്‍ വലിച്ചെന്നും ചൂണ്ടിക്കാട്ടിയാണ് ഡിവിഷന്‍ ബെഞ്ച് വിധി. ലൈന്‍ മാറ്റുന്നതിനോ ഭൂമിയുടെ അടിയിലൂടെ ആക്കുന്നതിനോ ഭൂവുടമ മീന മേനോന് ടെലഗ്രാഫ് ആക്ട് പ്രകാരം കെ.എസ്.ഇ.ബിക്ക് അപേക്ഷ നല്‍കാമെന്നും ഹൈക്കോടതി വ്യക്തമാക്കി.