കോഴിക്കോട്:  മുസ്‌ലിം യൂത്ത്‌ലീഗ് സംസ്ഥാന കമ്മിറ്റി സംഘടിപ്പിക്കുന്ന ശിഹാബ് തങ്ങള്‍, ഭാഷാസമര അനുസ്മരണ  സമ്മേളനം നാളെ നടക്കും. നളന്ദ ഓഡിറ്റോറിയത്തില്‍ വൈകിട്ട് മൂന്നിന് മുസ്‌ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം  ചെയ്യും. കെ. മുരളീധരന്‍ എം.എല്‍.എ ശിഹാബ് തങ്ങള്‍ അനുസ്മരണ  പ്രഭാഷണം നടത്തും. പി.കെ.കുഞ്ഞാലിക്കുട്ടി എം.എല്‍.എ ഭാഷാസമര അനുസ്മരണപ്രഭാഷണം നടത്തും. 'മലയാളി മുസ്‌ലിമിന്റെ  മതജീവിതവും ആഗോളവീക്ഷണവും' എന്ന വിഷയത്തില്‍ അജയ് പി. മങ്ങാട്ടും, 'ഭീകരതയും രാഷ്ട്രീയവും' എന്ന വിഷയത്തില്‍ സി.പി.ജോണും പ്രഭാഷണം നടത്തും. മുസ്‌ലിംലീഗ് ദേശീയ  സെക്രട്ടറി ഇ.ടി. മുഹമ്മദ് ബഷീര്‍ എം.പി, സംസ്ഥാന ജനറല്‍ സെക്രട്ടറി കെ.പി.എ മജീദ്. ട്രഷറര്‍ പി.കെ.കെ. ബാവ, എം.എല്‍.എ മാരായ ഡോ. എം.കെ. മുനീര്‍, കെ.എം. ഷാജി, അഡ്വ.  എന്‍. ശംസുദ്ദീന്‍ പ്രസംഗിക്കും.