കാഞ്ഞങ്ങാട്: നഗരസഭ ബസ് സ്റ്റാന്‍ഡ് ഷോപ്പിങ് കോപ്ലക്‌സിലെ സംഭരണിയില്‍ നിന്നു ജല മോഷണം. ജല സംഭരണിയുടെ പൈപ്പ് മുറിച്ചു മാറ്റി സമീപത്തെ കംഫര്‍ട്ട് സ്റ്റേഷനിലെ സംഭരണിയിലേക്കു തിരിച്ചു വിട്ട നിലയിലാണ്. കഴിഞ്ഞ ദിവസമാണു സംഭവം.
ഇതുസംബന്ധിച്ച് ഷോപ്പിങ് കോംപ്ലക്‌സിലെ വാടകക്കാര്‍ നഗരസഭ അധികൃതര്‍ക്കു പരാതി നല്‍കി. ഷോപ്പിങ് കോംപ്ലക്‌സില്‍ വെള്ളം കിട്ടാത്തതിനെ തുടര്‍ന്നു നടത്തിയ പരിശോധനയിലാണു ജലസംഭരണിയുടെ പൈപ്പ് മുറിച്ചു മാറ്റി മറ്റൊരു പൈപ്പിട്ട് ജലം അനധികൃതമായി കടത്തുന്നതായി കണ്ടത്.
നഗരസഭാ കെട്ടിടത്തിന്റെ മുകളിലൂടെ പൈപ്പിട്ടാണു കംഫര്‍ട്ട് സ്റ്റേഷനിലേക്കു വെള്ളം കടത്തിയത്. ഷോപ്പിങ് കോംപ്ല്‌സിലെ വാടകക്കാര്‍ക്കായി അടുത്താണ് കുഴല്‍ക്കിണര്‍ കുഴിച്ചു പ്രത്യേകമായി വെള്ളം എത്തിക്കാനുള്ള സംവിധാനം ഉണ്ടാക്കിയത്.