തിരുവനന്തപുരം: കേരളാ കോണ്‍ഗ്രസ് (ബി) മന്ത്രിസ്ഥാനം ആവശ്യപ്പെട്ടിട്ടില്ലെന്ന് ആര്‍. ബാലകൃഷ്ണ പിള്ള.
പാര്‍ട്ടിയെ എല്‍.ഡി.എഫില്‍ ഉള്‍പ്പെടുത്തണമെന്നു മാത്രമാണ് ആവശ്യപ്പെട്ടത്.
കെ.എം മാണിയെ ഇടതുമുന്നണിയില്‍ എടുക്കരുത്. മാണിയുടെ പാര്‍ട്ടിയിലെ സംഭവവികാസങ്ങള്‍ നിരീക്ഷിച്ചുവരികയാണ്. മാണിയുടെ പാര്‍ട്ടി ഒഴികെയുള്ള കേരളാ കോണ്‍ഗ്രസുകള്‍ ഒന്നിക്കണം.
അതിനായി ആരുമായും ചര്‍ച്ചയ്ക്കു തയാറാണെന്നും അദ്ദേഹം പറഞ്ഞു. പാര്‍ട്ടിക്കു മന്ത്രിസ്ഥാനം കിട്ടണമെന്ന് പിള്ള പറഞ്ഞതായി മാധ്യമങ്ങളില്‍ നേരത്തേ വാര്‍ത്ത വന്നിരുന്നു.