ആംസ്റ്റര്‍ഡാം: അയാക്‌സ് താരം ഡി ലിറ്റ് യുവന്റസിലേക്ക് ചേക്കേറുന്നുവെന്ന് ഇറ്റാലിയന്‍ മാധ്യമങ്ങള്‍ റിപ്പോര്‍ട്ട് ചെയ്തു. ബാഴ്‌സലോണയുടെ ഓഫര്‍ നിരസിച്ചാണ് താരം യുവന്റസിലേക്ക് ചേക്കേറുന്നതെന്നാണ് ഇറ്റാലിയന്‍ മാധ്യമങ്ങള്‍ റിപ്പോര്‍ട്ട് ചെയ്തത്.
താരപ്രഭയുള്ള ബാഴ്‌സലോണയില്‍ എത്തിയാല്‍ ബെഞ്ചിലായിരിക്കും സ്ഥാനം എന്ന് കരുതിയാണ് താരം ബാഴ്‌സയിലേക്ക് വരുന്നതിന് വിസമ്മതം അറിയിച്ചിട്ടുള്ളത്. യുവേഫ നാഷന്‍സ് ലീഗ് മത്സരത്തിനിടെ ക്രിസ്റ്റ്യാനോ ഡി ലിറ്റിനെ യുവന്റസിലേക്ക് ക്ഷണിച്ചിരുന്നു.
19കാരനായ ഡി ലിറ്റ് അവസാന സീസണില്‍ ചാംപ്യന്‍സ് ലീഗില്‍ ഉള്‍പ്പെടെ മികച്ച പ്രകടനമായിരുന്നു അയാക്‌സിന് വേണ്ടി നടത്തിയത്. ഇതാണ് വമ്പന്‍ ക്ലബുകള്‍ താരത്തിന് പിറകെ വരാന്‍ കാരണം.