മുംബൈ: പാസ്‌പോര്‍ട്ടില്‍ ഭര്‍ത്താവിന്റെ പേരിന്റെ സ്ഥാനത്ത് ബിനോയ് കോടിയേരിയുടെ പേര് രേഖപ്പെടുത്തിയ തെളിവിന് പിന്നാലെ ബാങ്കിടപാടിന്റെ രേഖകളും യുവതി ഹാജരാക്കിയി. ബാങ്ക് പാസ്ബുക്കിലും ഭര്‍ത്താവിന്റെ പേരിന്റെ കോളത്തില്‍ ബിനോയുടെ പേരുതന്നെയാണ് നല്‍കിയിരിക്കുന്നത്.

യുവതിയുടെ ബാങ്ക് അക്കൗണ്ടിലേക്ക് ബിനോയ് പലതവണ പണമയച്ചതിന്റെ തെളിവുകള്‍ പൊലിസിന് കൈമാറി. 50,000 രൂപ മുതല്‍ 4 ലക്ഷം രൂപ വരെ യുവതിക്ക് കൈമാറിയതായി മുംബൈ പൊലിസ് വ്യക്തമാക്കി. യുവതിയുടെ ഐ.സി.ഐ.സി.ഐ ബാങ്ക് അക്കൗണ്ടിലേക്കാണ് പലപ്പോഴായി പണം കൈമാറിയിട്ടുള്ളത്.

യുവതിക്കൊപ്പം ബിനോയ് താമസിച്ചിരുന്നു എന്നതിന്റെ തെളിവുകള്‍ ലഭിച്ചുവെന്ന് മുംബൈ ഓഷിവാര പൊലിസ് വ്യക്തമാക്കിയിരുന്നു. ഇതിന് പിന്നാലെയാണ് പുതിയ വിവരങ്ങള്‍ പുറത്തുവന്നിരിക്കുന്നത്.