പുതിയങ്ങാടി (കോഴിക്കോട്): പ്രതിസന്ധികള്‍ നിറഞ്ഞ ലോകത്ത് ശംസുല്‍ ഉലമ ഉയര്‍ത്തിയ സന്ദേശങ്ങള്‍ പ്രസക്തമാണെന്നും ശംസുല്‍ ഉലമ ഇല്ലാത്ത മുസ്‌ലിം സമൂഹത്തിന്റെ ഇന്നത്തെ സ്ഥിതി അതീവ ഗുരുതരവും ദുഃഖകരവുമാണെന്നും സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പറഞ്ഞു. ശംസുല്‍ ഉലമ ഇ.കെ അബൂബക്കര്‍ മുസ്‌ലിയാരുടെ 25ാം ഉറൂസ് മുബാറക് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഉറൂസിനു തുടക്കം കുറിച്ച് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പതാക ഉയര്‍ത്തി. ഒളവണ്ണ അബൂബക്കര്‍ ദാരിമി അധ്യക്ഷനായി. തഖിയുദ്ദീന്‍ ഹൈതമി, അബ്ദുല്‍ ഗഫൂര്‍ ദാരിമി മുണ്ടക്കുളം, കെ.സി അബൂബക്കര്‍ ദാരിമി, മുഹമ്മദ് കുട്ടി ദാരിമി കോടങ്ങാട്, അബൂബക്കര്‍ ദാരിമി പുല്ലാര, എന്‍ജിനീയര്‍ മാമുക്കോയ ഹാജി, ടി.പി മൂസ അഫ്‌സല്‍, പി.പി ഇഖ്ബാല്‍, ഒ.ടി.എം സൈനി സംസാരിച്ചു.
19ന് രാത്രി ഏഴിന് മഖാമില്‍ നടത്തുന്ന മജ്‌ലിസുന്നൂറിന് സമസ്ത സെക്രട്ടറി എം.ടി അബ്ദുല്ല മുസ്‌ലിയാര്‍ നേതൃത്വം നല്‍കും. ഹസന്‍ സഖാഫി പൂക്കോട്ടൂര്‍ പ്രഭാഷണം നടത്തും. 21ന് രാവിലെ എട്ടിന് മഖാമില്‍ വച്ച് സമാപന ഖത്തം ദുആ നടക്കും. പാണക്കാട് സയ്യിദ് ഹൈദരലി ശിഹാബ് തങ്ങള്‍, സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, പ്രൊഫ. കെ. ആലിക്കുട്ടി മുസ്‌ലിയാര്‍, മൂസക്കുട്ടി ഹസ്രത്ത്, ചേലക്കാട് മുഹമ്മദ് മുസ്‌ലിയാര്‍, വാവാട് കുഞ്ഞിക്കോയ മുസ്‌ലിയാര്‍, ഇ.കെ അബൂബക്കര്‍ മുസ്‌ലിയാര്‍, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, എ.വി അബ്ദുറഹ്മാന്‍ മുസ്‌ലിയാര്‍, ഉമര്‍ ഫൈസി മുക്കം, തഖിയുദ്ദീന്‍ ഹൈതമി നന്തി, എം.സി മായിന്‍ ഹാജി പങ്കെടുക്കും.