ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കെജ്‌രിവാളിനെതിരെ പുറത്താക്കപ്പെട്ട എ.എ.പി നേതാവ് കപില്‍ മിശ്ര വീണ്ടും രംഗത്ത്. കെജ്‌രിവാളിന്റെ 'നോട്ട് നിരോധന പേടി'യ്ക്ക് കാരണം ഹവാലയാണെന്നാണ് മിശ്രയുടെ പുതിയ ആരോപണം.

'എന്തിനാണ് അദ്ദേഹം നോട്ട് നിരോധനത്തെ എതിര്‍ത്തത്, എന്തിനാണ് അദ്ദേഹം ഇതിനെതിരെ രാജ്യമെമ്പാടും യാത്ര ചെയ്തത്. അതിന് കാരണം കള്ളപ്പണമാണ്. എന്‍ഫോഴ്‌സ്‌മെന്റ് ഉദ്യോഗസ്ഥര്‍ കള്ളപ്പണം മുഴുവന്‍ കണ്ടെടുക്കുമെന്ന ഭയമാണ് അതിന് അ്‌ദ്ദേഹത്തെ പ്രേരിപ്പിച്ചത്'. മിശ്ര പറഞ്ഞു.

ഹവാല ഇടപാടിലൂടെ എ.എ.പി പണം സമ്പാദിച്ചിട്ടുണ്ടെന്നും അദ്ദേഹം ആരോപിച്ചു.