ന്യൂഡല്‍ഹി: തനിക്കെതിരായ വിധി റദ്ദാക്കണമെന്നാവശ്യപ്പെട്ട് കൊല്‍ക്കത്ത ഹൈക്കോടതി ജഡ്ജി ജസ്റ്റിസ് കര്‍ണ്ണന്‍ നല്‍കിയ ഹരജി സുപ്രിം കോടതി തള്ളി. ഹരജി പരിഗണിക്കാനാവില്ലെന്ന് സുപ്രിംകോടതി രജിസ്ട്രാര്‍ രേഖാമൂലം അറിയിച്ചു.

കോടതീയലക്ഷ്യത്തിന് ആറു മാസം തടവുശിക്ഷയാണ് ജസ്റ്റിസ് കര്‍ണ്ണന് സുപ്രിം കോടതി വിധിച്ചിരുന്നത്. ഇതിനെതിരെയാണ് കര്‍ണ്ണന്‍ സുപ്രിംകോടതിയില്‍ ഹരജി സമര്‍പ്പിച്ചത്.

സുപ്രിംകോടതിയുമായി തുറന്ന ഏറ്റുമുട്ടലിനു തുനിയുകയും തുടര്‍ച്ചയായി നീതിന്യായ സംവിധാനത്തെ വെല്ലുവിളിക്കുകയും ചെയ്ത കര്‍ണനെ ഈ മാസം ഒന്‍പതിനാണ് ചീഫ് ജസ്റ്റിസിന്റെ നേതൃത്വത്തിലുള്ള ഏഴംഗബെഞ്ച് തടവിനു ശിക്ഷിച്ചത്.