തിരുവനന്തപുരം: വഗീയ ലക്ഷ്യത്തോടെയല്ല കന്യാസ്ത്രീകളുടെ സമരമെന്ന് മന്ത്രി ജെ.മെഴ്‌സിക്കുട്ടിയമ്മ. കുറ്റം ചെയ്തവര്‍ ശിക്ഷിക്കപ്പെടണമെന്നും സമരം ചെയ്യാനുള്ള അവകാശത്തെ ചോദ്യം ചെയ്യാനാവില്ലെന്നും പാര്‍ട്ടി സെക്രട്ടറിയുടെ വാദത്തിന് മറുപടിയായി അവര്‍ പറഞ്ഞു.

കന്യാസ്ത്രീകളടക്കമുള്ള സമരസമിതി നടത്തുന്ന സമരം സമരകോലാഹലമാണെന്നും സമരം ദുരുദ്ദേശപരവും രാഷ്ട്രീയ പ്രചാരണത്തിന്റെ ഭാഗമാണെന്നും സി.പി.എം സംസ്ഥാന സെക്രട്ടറി കോടിയേരി കഴിഞ്ഞ ദിവസം പറഞ്ഞിരുന്നു. കോടിയേരിയുടെ നിലപാടിനെ തള്ളി മന്ത്രി ഇ.പി ജയരാജനും രംഗത്തെത്തിയിരുന്നു.