ന്യൂഡല്‍ഹി: ബിഹാറിലെ മുസഫര്‍പൂരില്‍ കുട്ടികളില്‍ മസ്തിഷ്‌കജ്വരം പടര്‍ന്നു പിടിച്ചതിന് ലിച്ചി പഴവുമായി ബന്ധമില്ലെന്ന് ലിച്ചി ദേശീയ ഗവേഷണ കേന്ദ്രം ഡയരക്ടര്‍ ഡോ. വിശാല്‍ നാഥ്.

തങ്ങളുടെ ഗവേഷണത്തില്‍ ലിച്ചിയെ രോഗബാധയുമായി ബന്ധപ്പെടുത്താനാവുന്ന വിധത്തില്‍ ഒരു തരത്തിലുള്ള തെളിവുകളും ലഭിച്ചിട്ടില്ലെന്നും ലിച്ചിയാണ് രോഗം പരത്തുന്നതെങ്കില്‍ രാജ്യത്തെ മറ്റു സ്ഥലങ്ങളിലും ഇത് സംഭവിക്കുമായിരുന്നെന്നും അദ്ദേഹം പറഞ്ഞു. കഴിഞ്ഞ ദിവസംവരെ 150 ഓളം കുട്ടികളാണ് മസ്തിഷ്‌ക ജ്വരം ബാധിച്ച് മരിച്ചത്.

മരണകാരണം ദാരിദ്രവും പോഷകാഹാര ദൗര്‍ലഭ്യവും കനത്ത ഉഷ്ണവുമാണെന്ന് വിവിധ ഡോക്ടര്‍മാര്‍ അഭിപ്രായപ്പെട്ടിരുന്നു. നേരത്തേ, മരണകാരണം ലിച്ചി പഴമാണെന്ന റിപ്പോര്‍ട്ടുകള്‍ വന്നിരുന്നു.