ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ കഴിഞ്ഞ വര്‍ഷത്തെ ചാംപ്യന്‍മാരായ മാഞ്ചസ്റ്റര്‍ സിറ്റിയും കാര്‍ഡിഫ് സിറ്റിയും ഇന്ന് ഏറ്റുമുട്ടും. വൈകീട്ട് 7.30നാണ് മത്സരം. പ്രീമിയര്‍ ലീഗിലെ അഞ്ച് മത്സരങ്ങള്‍ പൂര്‍ത്തിയായപ്പോള്‍ നാലു വിജയവും ഒരു സമനിലയുമായി സിറ്റി നിലവില്‍ മൂന്നാം സ്ഥാനത്താണുള്ളത്. അഞ്ചു മത്സരങ്ങളും വിജയിച്ച ചെല്‍സിയും ലിവര്‍പൂളുമാണ് ഒന്നും രണ്ടും സ്ഥാനത്തുള്ളത്. ഗോള്‍ ശരാശരിയില്‍ മുന്നിലായത് കൊണ്ടാണ് ചെല്‍സി ഒന്നാം സ്ഥാനത്തെത്തിയത്. മാഞ്ചസ്റ്റര്‍ യുനൈറ്റഡ്-വോള്‍വ്‌സ്, ലൈസ്റ്റര്‍ സിറ്റി- ഹഡ്ഡേഴ്‌സ്ഫീല്‍ഡ്, ലിവര്‍പൂള്‍-സതാംപ്ടണ്‍, ക്രിസ്റ്റല്‍ പാലസ്-ന്യു കാസില്‍ യുനൈറ്റഡ്, ബേണ്‍ലി- ബേണ്‍മൗത്ത് എന്നീ ക്ലബുകള്‍ വൈകീട്ട് 7.30ന് ഏറ്റുമുട്ടും. ടോട്ടനവും ബ്രിങ്ടനും തമ്മിലുള്ള മത്സരം രാത്രി 10നാണ്.