ലണ്ട@ന്‍: ക്രിക്കറ്റിലെ അതികായന്‍മാര്‍ തമ്മിലുള്ള പോരാട്ടം ഇന്ന് നടക്കും. ആതിഥേയരായ ഇംഗ്ലണ്ടും കരുത്തരായ ആസ്‌ത്രേലിയയും തമ്മിലാണ് മത്സരം. ഇന്ന് തോല്‍ക്കുകയാണെങ്കില്‍ ഇംഗ്ലണ്ടിന്റെ സെമി സാധ്യതക്ക് മങ്ങലേല്‍ക്കുമെന്നതിനാല്‍ ഡു ഓര്‍ ഡൈ എന്ന തീമിലാണ് ഇംഗ്ലണ്ട് ഇറങ്ങുന്നത്. കഴിഞ്ഞ മത്സരത്തില്‍ ശ്രീലങ്കയോടേറ്റ തോല്‍വിയാണ് ഇംഗ്ലണ്ടിന്റെ കണക്ക് കൂട്ടലുകളെല്ലാം തെറ്റിച്ചത്. ബംഗ്ലാദേശ്, ശ്രീലങ്ക, പാകിസ്താന്‍ ടീമുകള്‍ സെമി പ്രതീക്ഷയും കാത്തുനില്‍ക്കുകയാണ്. ഇംഗ്ല@ണ്ട് ഏതെങ്കിലും മത്സരം തോല്‍ക്കുകയോ ആദ്യ നാലിന് പുറത്ത് നില്‍ക്കുന്നവര്‍ മത്സരങ്ങള്‍ ജയിക്കുകയോ ചെയ്താല്‍ ഈ സാധ്യത കുറച്ച് കൂടി സജീവമാകും. മത്സരത്തില്‍ മികച്ച ജയത്തില്‍ കുറഞ്ഞതൊന്നും ഇംഗ്ല@ണ്ടിന് ഗുണകരമാകില്ല. അതിനാല്‍ ഇന്ന് ആസ്‌ത്രേലിയക്ക് കടുത്ത മത്സരം നേരിടേണ്ടി വരും. എന്ത് വിലകൊടുത്തും ഇംഗ്ലണ്ടിനെ തോല്‍പിക്കുമെന്ന തീരുമാനത്തിലാണ് ഓസീസ്.