ന്യൂഡല്‍ഹി: ഉത്തര്‍പ്രദേശില്‍ 50 കുട്ടികളെ ലൈംഗികമായി പീഡിപ്പിച്ച സര്‍ക്കാര്‍ എഞ്ചിനീയര്‍ അറസ്റ്റില്‍. ജലസേചന വകുപ്പിലെ എഞ്ചിനീയറെയാണ് സി.ബി.ഐ അറസ്റ്റ് ചെയ്തത്.

അഞ്ചിനും പതിനാറിനും ഇടയില്‍ പ്രായമുള്ള കുട്ടികളെയാണ് ഇയാള്‍ പത്തുവര്‍ഷമായി പീഡിപ്പിച്ചുകൊണ്ടിരുന്നത്. ബന്ദ ജില്ലയില്‍ നിന്നാണ് പ്രതിയെ പിടികൂടിയത്.

ചിത്രകൂട്, ബന്ദ, ഹമിപുര്‍ എന്നീ മൂന്നു ജില്ലകളിലായാണ് കുട്ടികളെ പീഡിപ്പിച്ചത്. ഇയാള്‍ ഡാര്‍ക്ക്‌നെറ്റില്‍ കുട്ടികളുടെ ദൃശ്യങ്ങള്‍ വില്‍പ്പന നടത്തിയതായും കണ്ടെത്തിയിട്ടുണ്ട്.

പ്രതിയുടെ വസതിയില്‍ നടത്തിയ റെയ്ഡില്‍ എട്ട് മൊബൈല്‍ ഫോണുകള്‍, എട്ട് ലക്ഷം രൂപ, സെക്‌സ് ടോയ്‌സ്, ലാപ്ടോപ്പ്, മറ്റ് ഡിജിറ്റല്‍ തെളിവുകള്‍ എന്നിവ പിടിച്ചെടുത്തു.