ചേലോറ: കണ്ണൂര്‍ കോര്‍പറേഷന്‍ പരിധിയിലെ ചേലോറ മേഖലയില്‍ എട്ടു ഡിവിഷനുകളിലും തെരുവുവിളക്കുകള്‍ പ്രകാശിക്കാത്തത് യാത്രക്കാര്‍ക്ക് ദുരിതമാകുന്നു. ഇതുമൂലം തെരുവുനായ്ക്കളും പ്രദേശങ്ങളില്‍ വര്‍ധിച്ചു.
 ജനങ്ങള്‍ അനുഭവിക്കുന്ന യാത്രാക്ലേശം പരിഹരിക്കുന്നതിന് അടിയന്തിരമായി തെരുവ് വിളക്കുകള്‍ പ്രവര്‍ത്തന സജ്ജമാക്കണമെന്ന് ചേലോറ മേഖല മുസ്‌ലിംലീഗ് കമ്മിറ്റി യോഗം അധികൃതരോട് ആവശ്യപ്പെട്ടു. യോഗത്തില്‍ കെ.പി അബ്ദുല്‍ റസാഖ് അധ്യക്ഷനായി. ടി.വി മഹമൂദ്, വി.കെ ഇസ്മാഈല്‍ ഹാജി, കെ. കുഞ്ഞഹമ്മദ്, പി.കെ കുട്ട്യാലി, വി.കെ അസീസ്, അസീസ് കടാങ്കോട്, ടി.ഒ ഇസ്മാഈല്‍ സംസാരിച്ചു.