പുല്ലാളൂര്‍: എ.എല്‍.പി സ്‌കൂളിലെ സ്‌കൂള്‍ ലീഡര്‍ തെരഞ്ഞെടുപ്പ് പൊതുതെരഞ്ഞെടുപ്പ് മാതൃകയില്‍ നടത്തിയതു വിദ്യാര്‍ഥികള്‍ക്കു നവ്യാനുഭവമായി. തെരഞ്ഞെടുപ്പ് വിജ്ഞാപനം, പത്രികാ സമര്‍പ്പണം, സൂക്ഷ്മ പരിശോധന, പത്രിക പിന്‍വലിക്കല്‍, ചിഹ്നം അനുവദിക്കല്‍, തെരഞ്ഞെടുപ്പ് പ്രചാരണം, കൊട്ടിക്കലാശം, തെരഞ്ഞെടുപ്പ് ഉദ്യോഗസ്ഥരെ നിയമിക്കല്‍ അടക്കം പൂര്‍ണമായും പൊതുതെരഞ്ഞെടുപ്പിന്റെ മാതൃകയിലാണ് സ്‌കൂള്‍ തെരഞ്ഞെടുപ്പ് നടന്നത്.
സ്‌കൂള്‍ ലീഡറായി റാനിയാ ഫാത്തിമ കെ.ടിയും, അസി. ലീഡറായി എം.ശ്രീരാഗും തെരഞ്ഞെടുക്കപ്പെട്ടു. അനുമോദന യോഗം ഹെഡ്മിസ്ട്രസ് ഒ.പി ചന്ദ്രമതി ഉദ്ഘാടനം ചെയ്തു. സ്റ്റാഫ് സെക്രട്ടറി റാഫി ചെരച്ചോറ അധ്യക്ഷനായി. അബ്ദുല്‍ ഹസീബ് എം, സരിത കെ, മേഘ, അശ്വതി സംസാരിച്ചു.