പുത്തനത്താണി: മാറാക്കര ഹയര്‍ സെക്കന്‍ഡറി സ്‌കൂളില്‍ മൂന്ന് ദിവസമായി നടന്നുവന്ന കുറ്റിപ്പുറം ഉപജില്ലാ സ്‌കൗട്ട് ആന്‍ഡ് ഗൈഡ്‌സ് ത്രിദിന സോപാന്‍ സഹവാസ ക്യാംപിന്റെയും ഹയര്‍ സെക്കന്‍ഡറി സ്‌കൗട്ട് ആന്‍ഡ് ഗൈഡ്‌സ് ക്യാംപിന്റെയും സമാപന സമ്മേളനം പ്രൊഫ. ആബിദ് ഹുസൈന്‍ തങ്ങള്‍ എംഎല്‍എ ഉദ്ഘാടനം ചെയ്തു.
വിദ്യാര്‍ഥികള്‍ നല്ല ലക്ഷ്യ ബോധത്തോടെ ജീവിക്കുന്നവരും സാമൂഹ്യ ബോധമുള്ളവരുമാകണമെന്ന് അദ്ദേഹം പറഞ്ഞു. പി.ടി.എ പ്രസിഡന്റ് എന്‍.ടി അബ്ദു അധ്യക്ഷനായി.
ഒ.കെ സുബൈര്‍, ഒ.പി കുഞ്ഞിമുഹമ്മദ്, ചോഴിമഠത്തില്‍ ഹംസ, സി. ബഷീര്‍, റഷീദ് വട്ടപറമ്പന്‍, എം.എന്‍ രമണി, നൂറുല്‍ അമീന്‍, മനോഹരന്‍, വഹീദ, കോമളവല്ലി, അമീന്‍.പി.ജെ സംസാരിച്ചു. ഉപജില്ലയിലെ വിവിധ സ്‌കൂളുകളില്‍ നിന്ന്  അഞ്ഞൂറ് വിദ്യാര്‍ഥികള്‍ ക്യാംപില്‍ പങ്കെടുത്തു.