കണ്ണൂര്‍: ആന്തൂരിലെ പ്രവാസി വ്യവസായിയുടെ ആത്മഹത്യയില്‍ പാര്‍ട്ടി ഔദ്യോഗിക നിലപാടിനെ പരോക്ഷമായി വിമര്‍ശിച്ച് നഗരസഭാ വൈസ് ചെയര്‍മാന്‍ കെ. ഷാജു.

ഷാജു കോമ്രേഡ് എന്ന തന്റെ ഫെയ്‌സ്ബുക്ക് അക്കൗണ്ടിലൂടെയാണ് പരസ്യ വിമര്‍ശനം ഉന്നയിച്ചത്. പ്രൊഫൈല്‍ ചിത്രം മാറ്റിക്കൊണ്ടാണ് പോസ്റ്റിട്ടത്.

'തെറ്റ് തെറ്റാണെന്ന് ചൂണ്ടിക്കാട്ടിയാല്‍ അത് തിരുത്തണം. അല്ലാതെ വാദിക്കാനോ ജയിക്കാനോ നില്‍ക്കരുത്. അത് ഞാനായാലും...'- ഇതാണ് പ്രൊഫൈല്‍ ചിത്രത്തില്‍ നല്‍കിയത്. നിരവധി പേര്‍ കമന്റും പിന്തുണയുമായി രംഗത്തെത്തി. ആന്തൂര്‍ വിഷയത്തില്‍ ആദ്യമായിട്ടാണ് നഗരസഭാ വൈസ് ചെയര്‍മാന്റെ പ്രതികരണം.

പോസ്റ്റ് ചര്‍ച്ചയായതോടെ പിന്‍വലിക്കുകയും ചെയ്തു. എന്നാല്‍ ഇതിന്റെ സ്‌ക്രീന്‍ഷോട്ട് പ്രചരിക്കുന്നുണ്ട്.