സ്വന്തം ലേഖകന്‍
തിരുവനന്തപുരം: തദ്ദേശ സ്വയംഭരണ തെരഞ്ഞെടുപ്പിനുള്ള നാമനിര്‍ദേശ പത്രികകള്‍ ഇന്ന് വൈകീട്ട് മൂന്നു വരെ സ്വീകരിക്കും. പത്രികകളുടെ സൂക്ഷ്മപരിശോധന നാളെ നടക്കും. 23 വരെ പത്രിക പിന്‍വലിക്കാന്‍ അവസരമുണ്ട്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളില്‍ ഡിസംബര്‍ എട്ടിനും കോട്ടയം, എറണാകുളം, തൃശൂര്‍, പാലക്കാട്, വയനാട് ജില്ലകളില്‍ ഡിസംബര്‍ പത്തിനും മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളില്‍ ഡിസംബര്‍ 14നുമാണ് വോട്ടെടുപ്പ്.
അതേസമയം, സര്‍ക്കാര്‍ സ്‌കൂളുകളില്‍ ജോലി ചെയ്യുന്ന പ്രീ പ്രൈമറി അധ്യാപകര്‍ക്കും മറ്റു ജീവനക്കാര്‍ക്കും തെരഞ്ഞെടുപ്പില്‍ മത്സരിക്കാനാവില്ലെന്ന് സംസ്ഥാന തെരഞ്ഞെടുപ്പ് കമ്മിഷണര്‍ വി. ഭാസ്‌കരന്‍ അറിയിച്ചു. എന്നാല്‍ സ്വാശ്രയ, അണ്‍ എയ്ഡഡ്, എയ്ഡഡ് സ്‌കൂളുകളിലെ പ്രീ പ്രൈമറി അധ്യാപകര്‍ക്കും മറ്റു ജീവനക്കാര്‍ക്കും മത്സരിക്കുന്നതിനു തടസമില്ല.