എടപ്പാള്‍: സമസ്ത പൊതു പരീക്ഷയില്‍ ടോപ് പ്ലസ് നേടിയ വിദ്യാര്‍ഥികള്‍ക്കുള്ള അനുമോദനവും മലപ്പുറം വെസ്റ്റ് ജില്ലാ മദ്‌റസാ മേനേജ്‌മെന്റ് അസോസിയേഷന്‍ നേതൃസംഗമവും ഇന്ന് രാവിലെ പത്ത് മണിക്ക് ചെമ്മാട് ദാറുല്‍ ഹുദായില്‍ നടക്കും. 5,7,10,12 ക്ലാസുകളിലെ ടോപ് പ്ലസ് നേടിയ വിദ്യാര്‍ഥികള്‍ക്കും അവരുടെ അധ്യാപകര്‍ക്കും അവാര്‍ഡും മെറിറ്റ് സര്‍ട്ടിഫിക്കറ്റും മൊമന്റോയും അനുമോദന പത്രവും ചടങ്ങില്‍ വിതരണം ചെയ്യും.
അവാര്‍ഡ് ദാന ചടങ്ങ് മാനേജ്‌മെന്റ് അസോസിയേഷന്‍ ജില്ലാ പ്രസിഡന്റ് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. ദറാക്കില്‍ മദാരിസിന്റെ ഭാഗമായി നടപ്പിലാക്കുന്ന സ്മാര്‍ട് ക്ലാസ് റൂം പവര്‍ പോയിന്റ് പ്രസന്റേഷന്‍ ലോഞ്ചിങും അദേഹം നിര്‍വഹിക്കും. ജംഇയ്യത്തുല്‍ മുഅല്ലിമീന്‍ സംസ്ഥാന സെക്രട്ടറി ഡോ. ബഹാഉദ്ദീന്‍ മുഹമ്മദ് നദ്‌വി കൂരിയാട് അധ്യക്ഷനാകും.
വിദ്യാഭ്യാസ ബോര്‍ഡ് മേനേജര്‍ മോയിന്‍കുട്ടി മാസ്റ്റര്‍ വിഷയാവതരണം നടത്തും. മദ്‌റസ മനേജ്‌മെന്റ് സംസ്ഥാന വര്‍ക്കിങ് സെക്രട്ടറി കെ.കെ.എസ് തങ്ങള്‍ വെട്ടിച്ചിറ, യു. ഷാഫി ഹാജി ചെമ്മാട്, തോപ്പില്‍ കുഞ്ഞാപ്പു ഹാജി, പുറങ്ങ് മൊയ്തീന്‍ മൗലവി, അബ്ദുല്‍ കാദര്‍ ഖാസിമി, കെ.എം കുട്ടി എടക്കുളം, ജാഫര്‍ താനൂര്‍, എം.എ കാദര്‍ പങ്കെടുക്കും.