ആനക്കര: തെരുവ് നായ്ക്കളുടെ ആക്രമത്തില്‍ നിന്ന് മയിലിനെ രക്ഷിച്ച് ബേക്കറി തൊഴിലാളികള്‍.ആനക്കര ചേക്കോട് പളളിക്ക് സമീപം വെളളിയാഴ്ച്ച രാത്രിയിലാണ് സംഭവം.റോഡില്‍ വെച്ച് ഒരു കൂട്ടം നായ്ക്കള്‍ ചേര്‍ന്ന് മയിനെ കൂട്ടമായി ആക്രമിക്കുകയും അതിലെ ഒരു നായ മയിലെ കടിച്ച് പിടിച്ച് രക്ഷപ്പെടാന്‍ ശ്രമിക്കുകയുമായിരുന്നു.ബഹളം കേട്ട് റോഡിന് സമീപത്തെ വാടകകെട്ടിടത്തില്‍ താമസിക്കുന്ന ബേക്കറി തൊഴിലാളികള്‍ ഓടിയെത്തി നായ്ക്കളുടെ ആക്രമത്തില്‍ നിന്ന് മയിലിനെ രക്ഷപ്പെടുത്തുകയായിരുന്നു. ശരിരത്തില്‍ മുറിവേറ്റ മയിലിനെ നടക്കാന്‍ ബുദ്ധിമുട്ട് ഉണ്ട്.തൊഴിലാളികള്‍ മയിലിന്റെ മുറിപാടില്‍ മരുന്ന് തേച്ച് സംരക്ഷിക്കുകയാണ്.മുറിവേറ്റ നിലയില്‍ മയിലിനെ കിട്ടിയതായി നാട്ടുകാര്‍ ഫോറസ്റ്റ് അധികൃതര്‍ക്ക് വിവരം നല്‍കിയിട്ടുണ്ട്.
മില്ല് ആനക്കര കുമ്പിടി റോഡിലെ മില്ല് സ്‌റ്റോപ്പിന് സമീപത്തെ ഫെയിമസ് ബേക്കറിയിലെ തൊഴിലാളികളായ പാലക്കാട് മാത്തൂര്‍ സ്വദേശി മോഹനന്‍, തരൂര്‍ സ്വദേശികളായ ശരത്കുമാര്‍, അഖിലേഷ്, പട്ടാമ്പി സ്വദേശി രാജന്‍, ഊട്ടി ഗൂഡല്ലൂര്‍ സ്വദേശി രാജു, കൊല്‍ക്കത്ത സ്വദേശി വിജയ് എന്നിവര്‍ ചേര്‍ന്നാണ് തെരുവ് നായ്ക്കളുടെ ആക്രമത്തില്‍ നിന്ന് മയിലിനെ രക്ഷിച്ച് സംരക്ഷിച്ചുവരുന്നത്. ചേക്കോട്, പറക്കുളം മേഖലയില്‍ മാത്രം നൂറ് കണക്കിന് മയിലുകളുണ്ട്്. ഇവ കൂട്ടമായി എത്തി കാര്‍ഷിക വിളകള്‍ നശിപ്പിക്കുന്നതും പതിവാണ്. നെല്ല് വിളവെടുക്കുന്ന സമയത്ത്് നെല്ല് വ്യാപകമായി നശിപ്പിക്കുന്നുണ്ട്. മുന്‍ വര്‍ഷങ്ങളെ അപേക്ഷിച്ച് നാട്ടിന്‍ പുറങ്ങളില്‍ മയിലുകളുടെ എണ്ണത്തില്‍ വര്‍ധനവ് ഉണ്ട്.