കയ്പമംഗലം: കഴിഞ്ഞ ദിവസം നിര്യാതനായ സമസ്ത കേന്ദ്ര മുശാവറ അംഗം സയ്യിദ് എസ്.എം.കെ.തങ്ങള്‍ അനുസ്മരണ പ്രാര്‍ഥനാസംഗമം ഇന്ന് രാവിലെ പത്ത് മണിക്ക് മതിലകം ജൗഹറുല്‍ ഹുദാ മദ്‌റസയില്‍ നടക്കും.
മതിലകം റെയ്ഞ്ച് കമ്മിറ്റി സംഘടിപ്പിക്കുന്ന ചടങ്ങില്‍ പ്രസിഡന്റ് സി.എച്ച്.എം.ഫൈസല്‍ ബദരി അധ്യക്ഷനാവും. കെ.ജാഫര്‍ മൗലവി ആമുഖ ഭാഷണവും സമസ്ത കൊടുങ്ങല്ലൂര്‍ താലൂക്ക് സെക്രട്ടറി മുജീബ് റഹ്മാന്‍ ദാരിമി അനുസ്മരണ പ്രഭാഷണവും നിര്‍വ്വഹിക്കും. സമാപന പ്രാര്‍ഥനാ സദസിന് സമസ്ത തൃശൂര്‍ ജില്ലാ ട്രഷറര്‍ ഉസ്താദ് പി.ടി.കുഞ്ഞുമുഹമ്മദ് മുസ്‌ലിയാര്‍ നേതൃത്വം നല്‍കും. അബ്ദുസലാം ഫൈസി, കെ.ബി അബ്ദുല്‍ ഖാദര്‍, പി.ബി ഹംസ,ടി. എസ്.മുബാറക്,തൗഫീഖ് വാഫി,സ്വാലിഹ് വാഫി,കെ.എ.റഷീദ്,കെ.എസ് ശിഹാബുദ്ധീന്‍,കെ.കെ.സിദ്ധീഖ് ഫൈസി പ്രസംഗിക്കും.