ഒസാക്ക(ജപ്പാന്‍): ജി20 ഉച്ചകോടിക്കിടെ ഒസാക്കയില്‍ വച്ച് തുര്‍ക്കി പ്രസിഡന്റ് ഉര്‍ദുഗാനുമായി പ്രധാനമന്ത്രി നരേന്ദ്ര മോദി കൂടിക്കാഴ്ച നടത്തി. വ്യാപാര, നിക്ഷേപ, പ്രതിരോധ, ഭീകരവിരുദ്ധ രംഗങ്ങളില്‍ യോജിച്ചു പ്രവര്‍ത്തിക്കാമെന്ന് ഇരു നേതാക്കളും പറഞ്ഞു. ഐ.ടി, വ്യോമയാന രംഗത്ത് യോജിച്ചു പ്രവര്‍ത്തിക്കുന്നതും ചര്‍ച്ച ചെയ്തു. ഇന്തോനേഷ്യന്‍, ബ്രസീല്‍ പ്രസിഡന്റുമാരുമായും മോദി വേറിട്ട ചര്‍ച്ചകള്‍ നടത്തി.