ഇടിയങ്ങര: നോര്‍ത്ത് ഇടിയങ്ങര റസിഡന്‍സ് അസോസിയേഷന്റെ ആഭിമുഖ്യത്തില്‍ റസിഡന്‍സ് പരിധിയിലെ എസ്.എസ്.എല്‍.സി, പ്ലസ് ടു പരീക്ഷകളിലെ ഉന്നത വിജയികള്‍ക്കുള്ള അവാര്‍ഡ് ദാനവും വിദ്യാഭ്യാസ സമ്മേളനവും സംഘടിപ്പിച്ചു. കോഴിക്കോട് കോര്‍പറേഷന്‍ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ എം. രാധാകൃഷ്ണന്‍ ഉദ്ഘാടനം ചെയ്തു. നിറ പ്രസിഡന്റ് പി.ബി.വി. അബൂബക്കര്‍ കോയ അധ്യക്ഷത വഹിച്ചു. കോര്‍പറേഷന്‍ കൗണ്‍സിലര്‍ സി.പി ശ്രികല, അഡ്വ. പി.എം നിയാസ് എന്നിവര്‍ ആശംസകളര്‍പ്പിച്ചു. കോഴിക്കോട് സിറ്റി ജുവനൈല്‍ വിങ് അസി. സബ് ഇന്‍സ്‌പെക്ടര്‍ മുഖ്യപ്രഭാഷണം നടത്തി. നിറ ജനറല്‍ സെക്രട്ടറി കെ.വി സുല്‍ഫിക്കര്‍ സ്വാഗതവും വൈസ് പ്രസിഡന്റ് കാബില്‍ സി.വി നന്ദിയും പറഞ്ഞു.