മുക്കം: ഇരുവഴിഞ്ഞിപ്പുഴ സംരക്ഷണത്തിന്റെ ഭാഗമായി ടി.വൈ.കെ ക്ലബിന്റെ ആഭിമുഖ്യത്തില്‍ കൂട്ടക്കുളിയും പുഴ ശുചീകരണവും നടത്തി. കോട്ടമുഴി കടവ് മുതല്‍ തെയ്യത്തുംകടവ് വരെയുള്ള പുഴയുടെ ഭാഗം സംരക്ഷിക്കണമെന്ന ആവശ്യം അധികൃതരുടെ ശ്രദ്ധയില്‍ പതിയാന്‍ വേണ്ടിയായിരുന്നു പരിപാടി സംഘടിപ്പിച്ചത്. കോട്ടമുഴിക്കടവില്‍ നടന്ന പരിപാടി കൊടിയത്തൂര്‍ ഗ്രാമപഞ്ചായത്ത് പ്രസിഡന്റ് സി.ടി.സി അബ്ദുല്ല ഉദ്ഘാടനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡന്റ് കെ.പി അബ്ദുറഹിമാന്‍ അധ്യക്ഷനായി.
പുഴ സംരക്ഷണ സമിതി കണ്‍വീനര്‍ ജാഫര്‍ പുതുക്കുടി റിപ്പോര്‍ട്ട് അവതരിപ്പിച്ചു. പരിസ്ഥിതി പ്രവര്‍ത്തകരായ ഹാമിദ് അലി വാഴക്കാട്, പി.കെ.സി മുഹമ്മദ്, ഗ്രാമ പഞ്ചായത്ത് മെംബര്‍ സാറ ടീച്ചര്‍, മുക്കം നഗരസഭാ കൗണ്‍സിലര്‍ ഗഫൂര്‍ മാസ്റ്റര്‍, ഹെല്‍ത്ത് ഇന്‍സ്‌പെക്ടര്‍ രാധാകൃഷ്ണന്‍, കെ.ടി മന്‍സൂര്‍, റസാഖ് കൊടിയത്തൂര്‍, മുഹമ്മദ് കക്കാട്, ഗിരീഷ് കാരക്കുറ്റി, എ.എം നൗഷാദ്, അബ്ദുസമദ് കണ്ണാട്ടില്‍, ഇ.എ ജബ്ബാര്‍, റഫീഖ് കുറ്റിയാട്ട്, റഷീദ് കുയ്യില്‍, സലാം കൊളായില്‍ എന്നിവര്‍ സംസാരിച്ചു. വി.കെ സ്വാലിഹ് സ്വാഗതവും ജൈഷല്‍ നന്ദിയും പറഞ്ഞു.