തിരുവനന്തപുരം: പൊലിസിനെതിരെ രൂക്ഷവിമര്‍ശനവുമായി മുഖ്യമന്ത്രി പിണറായി വിജയന്‍. സംഭവിക്കാന്‍ പാടില്ലാത്തത് സേനയില്‍ സംഭവിക്കരുത്. ഒറ്റപ്പെട്ട വ്യക്തികള്‍ പൊലിസിന് കളങ്കമുണ്ടാക്കുന്നു. തെറ്റ് ചെയ്യുന്നവര്‍ക്കെതിരെ കര്‍ശന നടപടിയുണ്ടാകുമെന്നും മുഖ്യമന്ത്രി പറഞ്ഞു.

തൃശൂരില്‍ കോസ്റ്റല്‍ വാര്‍ഡന്‍മാരുടെ പാസിങ് ഔട്ട് പരേഡില്‍ സംസാരിക്കുകയായിരുന്നു അദ്ദേഹം. കസ്റ്റഡി മരണങ്ങളുള്‍പ്പെടെയുള്ള സമീപകാല സംഭവങ്ങളുടെ പശ്ചാത്തലത്തിലായിരുന്നു മുഖ്യമന്ത്രി പിണറായി വിജയന്റെ പരാമര്‍ശം.