മാവൂര്‍: സ്ഥാനാര്‍ഥിയുടെ മരണത്തെതുടര്‍ന്ന് മാവൂര്‍ ഗ്രാമപഞ്ചായത്ത് പതിനൊന്നാം വാര്‍ഡില്‍ തെരഞ്ഞെടുപ്പ് മാറ്റി.
താത്തൂര്‍ പൊയില്‍ വാര്‍ഡിലേക്ക് പത്രിക സമര്‍പ്പിച്ച കോണ്‍ഗ്രസ് സ്ഥാനാര്‍ഥി മാവൂര്‍ പൈപ്പ് ലൈന്‍ പാറപ്പുറത്ത് അനില്‍കുമാര്‍ (54) വെള്ളിയാഴ്ച രാത്രി കുഴഞ്ഞുവീണു മരിച്ചിരുന്നു. മരണാനന്തരം മെഡിക്കല്‍ കോളജ് ആശുപത്രിയില്‍ നടത്തിയ ആന്റിജന്‍ ടെസ്റ്റില്‍ കൊവിഡ് സ്ഥിരീകരിക്കുകയും ചെയ്തു.
തെരഞ്ഞെടുപ്പ് മാറ്റിവച്ചതിനെ തുടര്‍ന്ന് ഇതുവരെയുള്ള പ്രക്രിയകളെല്ലാം നിര്‍ത്തിവച്ചതായി തെരഞ്ഞെടുപ്പ് കമ്മിഷന്‍ അറിയിച്ചു.