വടക്കാഞ്ചേരി: ഔദ്യോഗിക തിരക്കുകളില്‍ നിന്ന് വിട്ടൊഴിഞ്ഞ താന്‍ ആധ്യാത്മിക ജീവിത വഴിയിലാണെന്ന് മെട്രോമാന്‍ ഇ ശ്രീധരന്‍. ശതാഭിഷിക്തനായ സ്വാമി ഭൂമാനന്ദ തീര്‍ഥയ്ക്ക് പാര്‍ളിക്കാട് നൈമിഷാരണ്യം ഭാഗവത തത്വ സമീക്ഷാ സത്ര സമിതി നല്‍കിയ ആദരണ ചടങ്ങില്‍ സംസാരിക്കുകയായിരുന്നു അദ്ദേഹം.
ഭൂമാനന്ദ തീര്‍ഥ തന്റെ ജീവിതവിജയങ്ങളില്‍ ഏറെ സ്വാധീനം ചെലുത്തിയ വ്യക്തിത്വമാണ്. തിരക്ക് പിടിച്ച ജീവിതവഴിയില്‍ ആധ്യാത്മികജീവിതത്തിലേക്ക് തന്നെ കൈ പിടിച്ചുയര്‍ത്തിയത് ഇദ്ദേഹമാണ്. ഇനിയുള്ള ജീവിതം ആധ്യാത്മിക മേഖലയില്‍ കേന്ദ്രീകരിക്കുമെന്നും സമൂഹത്തിന്റെ ഉന്നമനത്തിന് വേണ്ടിയുള്ള പോരാട്ടം നടത്തുമെന്നും അദ്ദേഹം പറഞ്ഞു.