കോയമ്പത്തൂര്‍: വ്യോമസേനയുടെ തേജസ് വിമാനത്തിന്റെ ഇന്ധന ടാങ്ക് പറക്കലിനിടയില്‍ താഴെ വീണു. വ്യോമസേനാ താവളത്തില്‍നിന്ന് പരിശീലനപ്പറക്കലിനിടയിലാണ് തദ്ദേശീയമായി വികസിപ്പിച്ച വിമാനത്തിന്റെ ഇന്ധന ടാങ്ക് വേര്‍പെട്ട് താഴെ വയലില്‍ വീണത്.
ആര്‍ക്കെങ്കിലും പരുക്കേല്‍ക്കുകയോ മറ്റെന്തെങ്കിലും നാശനഷ്ടങ്ങളുണ്ടാകുകയോ ചെയ്തിട്ടില്ലെന്ന് പ്രതിരോധ വിഭാഗം അറിയിച്ചു. ഇന്ധന ടാങ്ക് താഴെ വീണ ഉടന്‍ തീപിടിച്ചതായി പ്രദേശവാസികള്‍ പറഞ്ഞു. അതേസമയം, വിമാനം സുരക്ഷിതമായി താഴെയിറക്കാനായതായി വ്യോമസേന അറിയിച്ചു.