തിരുവനന്തപുരം: നിയമസഭയില്‍ അടിയന്തരപ്രമേയത്തിന് വ്യാഴാഴ്ച നോട്ടിസ് നല്‍കിയത് ഷാഫി പറമ്പില്‍ എം.എല്‍.എ ആയിരുന്നു. ശരിക്കും ശാഫി നിയമസഭയില്‍ കസറി.
എല്ലാ ദിവസവും ആളെ കൊല്ലുന്നതാണോ ഒറ്റപ്പെട്ട മരണമെന്നും ശാഫി പറമ്പില്‍ ഇടതു സര്‍ക്കാര്‍ കാലത്തെ കസ്റ്റഡി മരണങ്ങള്‍ ഓരോന്നും ചൂണ്ടിക്കാട്ടി ചോദിച്ചു. പ്രത്യക്ഷമായും, പരോക്ഷമായും പൊലിസ് അക്രമങ്ങളില്‍ കൊല്ലപ്പെട്ടത് 38 പേരാണെന്ന് കണക്കുകളും കൊല്ലപ്പെട്ടവരുടെ പേരുകളും ഉയര്‍ത്തിക്കാട്ടി ചോദിച്ചു.

പൊലിസ് പിന്തുടരേണ്ടത് നിയമ വ്യവസ്ഥയാണ്, സി.പി.എം പാര്‍ട്ടി കോടതിയുടെ നടപടികളല്ലെന്നും ഷാഫി ആരോപിച്ചു.
പിണറായി വിജയന്‍ ആഭ്യന്തരമന്ത്രിസ്ഥാനം ഒഴിയുന്നതാണ് നല്ലതെന്നും ശാഫി ആവശ്യപ്പെട്ടു. ഹക്കിമിനെതിരായ ക്രൂരമര്‍ദനം കൂടാതെ കഴിഞ്ഞ ദിവസം തലസ്ഥാനത്ത് കെ.എസ്.യു പ്രവര്‍ത്തകര്‍ക്കെതിരേ പൊലിസ് നരനായാട്ട് നടത്തിയെന്നും അടിയന്തരപ്രമേയ നോട്ടിസില്‍ കുറ്റപ്പെടുത്തുന്നു.