കോഴിക്കോട്: പരിസ്ഥിതി രാഷ്ട്രീയത്തിന് പ്രസക്തിയും സാധ്യതയും ഏറെയാണെന്നും പ്രകൃതിയും മനുഷ്യനും കേന്ദ്രബിന്ദുവായ ഒരു സമൂഹം രൂപപ്പെടേണ്ടതുണ്ടെന്നും കോഴിക്കോട് മലബാര്‍ മേഖലയിലെ പരിസ്ഥിതി പ്രവര്‍ത്തകരുടെ സെമിനാര്‍ അഭിപ്രായപ്പെട്ടു. ജോണ്‍ പെരുവന്താനം ചെയര്‍മാനും ടി.വി രാജന്‍ കണ്‍വീനറും എ.എസ് ജോസ് ട്രഷററുമായുള്ള 51 അംഗ സമിതിക്ക് രൂപം നല്‍കി. നയരേഖ തയാറാക്കുന്നതിന് ഡോ. കെ. ശ്രീകുമാര്‍ കണ്‍വീനറും വിജയരാഘവന്‍ ചേലിയ, പി. രമേഷ് ബാബു, ടി. മുഹമ്മദ് ബഷീര്‍, സുമ പള്ളിപ്രം, ടി.കെ. ഉഷാറാണി അംഗങ്ങളുമായി ഉപസമിതിയെ തിരഞ്ഞെടുത്തു. ടി.വി രാജന്‍ അധ്യക്ഷനായി. ജോണ്‍ പെരുവന്താനം, തായാട്ട് ബാലന്‍, പി. വാസു, പി.എ പൗരന്‍, വി. കൃഷ്ണദാസ്, പി. രാധാകൃഷ്ണന്‍, സത്യനാരായണ മൂര്‍ത്തി സംസാരിച്ചു.